​Í tilefni þess að Tern Systems mun leiða verkefni sem hlotið hefur rúmlega þriggja milljarða króna rannsóknarstyrk frá Evrópusambandinu, til að þróa næstu kynslóð af flugleiðsögukerfum, bjóðum við til stefnumóts um nýsköpun í flugiðnaði.

Með þessu viljum við ná saman öllum þeim sem vinna að tæknilausnum fyrir flugiðnaðinn og byggja upp grunn að samvinnu og samstarfi í greininni.

Fyrirtækjum sem þjónusta fluggeirann fer fjölgandi og viljum við með þessu móti ýta undir nýsköpun í greininni og auðvelda aðgengi að sérfræðiþekkingu.